TEAKARD ÇAYI

Tərkibi:
Beşdilimli damotu otu, gülümbahar çiçəyi, qar­ğı­dalı saçağı, dərman bədrənc otu, çöl qatırquyruğu otu, məkkəgülü çiçəyi, ginkqo-biloba yarpağı.

Kimyəvi tərkibi:
Beşdilimli damotu otunun tərkibində qlikozidlər, alkaloidlər, efir yağları, flavonoidlər, aşı maddələri, karotin, vitamin C və mineral duzlar vardır. Dərman gülümbahar çiçəyinin tərkibində karotinoidlər, üzvi turşular, vitamin C və s. vardır. Qarğıdalı saçağının tərkibində efir yağları, yağ turşuları, saponinlər, qlikozidlər, aşı maddələri, K, E və B qrupu vitaminləri vardır. Dərman bədrənc otunun tərkibində efir yağları, askorbin turşusu, acı maddələr və selik vardır.

Farmakoloji təsiri:
Koronar və periferik qan damarlarını genişləndirir, zəif sidikqovucu effekt verir, hipotenziv təsir göstərir. Koronar qan dövranını, ürəyin oksigen və qida maddələri ilə təminatını yaxşılaşdırır, miokardın oksigenə qarşı tələbatını azaldır. Ürəyin keçirici sisteminə təsir etmədən taxikardiyanı aradan qaldırır. Qanda qlükozanın, süd və piroüzüm turşusunun, xolesterinin, lipidlərin miqdarını azaldır, ateroskleroz əleyhinə təsir göstərir.